حلويات العيد لأم وليد حلوة السيغار بالشوكولا بحشو الكرامال

المقادير :

• 250غ مارغرين
• 1/2 كأس سكر ناعم
• 2 بيض
• 1 م ص فانيليا
• خميرة كيميائية
• فرينة
• الحشو اختياري

طريقة التحضير : 

1. نخلط جيدا المارغرين طرية مع السكر الناعم و البيض و الفانيليا،  ثم نضيف الفرينة (تدريجيا) و رشة قليلة جدا خميرة كيميائية و نخلط حتى نتحصل على عجينة طرية و لا تلتصق في اليد
2. نفتح العجينة على شكل مستطيل رقيق جدا بين كيسين بلاستيكيين مرشوشين بالفرينة ثم ننزع الاطراف الزائدة، ثم نضع قالب السيغار فوق العجينة و نقطعها بحيث يكون اطراف القالب خارج العجينة
3. نلوي دورة و نصف من العجينة على القالب ثم نقطع العجينة و نرفعها مع القالب و نغلقها من المكان المفتوح، ثم نضعهم في صينية بحيث يكون مكان الغلق من الاسفل
4. ندخلهم للفرن مسخن مسبقا على 180 درجة حتى يطيبوا و يأخذوا لون أحمر، ثم نتركهم يبردوا تماما و ننزعهم من القوالب
5. لتحضير الحشو نخلط جيدا الكوكاو محمص و مطحون و حلوة الترك مفتتة و النيسلي كراميل حتى نتحصل على القوام المطلوب، ثم نملئ به لي سيغار
6. نذوب شوكولا الغلاصاج في حمام مائي، ثم نضيف حوالي ملعقتين كبار زيت و نخلط، ثم نغلاصي لي سيغار بالشوكولا و نضعهم فوق ورق الطهي، و بعد ما يجفوا نزينهم بالشوكولا البيضاء

و التزيين يبقى دائما اختياري

باصحة و الهنا