مطبخ ام وليد طمينة الفرينة للمولد النبي الشريف

المقادير:

• 2 كأس فرينة
• 1/2 كأس حليب بودرة
• 1/2 كأس جلجلان
• 1/2 كأس مكسرات
• 2 م ك مارغرين طرية
• عسيلة ثقيلة

الطريقة:

1. نحمص الفرينة في مقلاة حتى تأخذ لون ذهبي ثم نغربلها مباشرة, ثم في نفس المقلاة نحمص الحليب بودرة على نار هادئة ثم نغربله فوق الفرينة
2. نحمص الجلاجلان في نفس المقلاة و نحمص اللوز او اي مكسرات في الفرن ثم نطحنهم مع بعض و نخلطهم مع الفرينة و الحليب بودرة ثم نتركهم يبردوا
3. نخلط المارغرين مع قليل من العسيلة و نذوبهم فوق النار بدون ان يغلوا ثم نخلطهم مع خليط الفرينة, و اذا احتجنا نضيف العسيلة ساخنة فقط ونخلط حتى نتحصل على القوام المطلوب
4. نضع الطمينة في الاطباق و نزينها بالقرفة و الحلويات و حلوة الترك و التزيين يبقى دائما اختياري

بالصحة و الهنا