مطبخ ام وليد حلوة العمامة ، بنة الزمن الجميل

المقادير :

• كأس سميد رطب
• كأس فرينة
• ملح
• مغرف كبيرة زيت

طريقة التحضير :

1. نخلط كأس سميد رطب + كأس فرينة مغربلين نزيد الملح و مغرف كبيرة زيت نخلط و نلم بماء عادي حتى نتحصل على عجينة متماسكة
2. ندلكها كيما المسمن يعني ندلك و نزيد الماء حتى نتحصل على عجينة رطبة و مطاطية
3. ندهنها بالزيت و نغطيها بكيس بلاستيكي ونخليها ترتاح 15د
4. نشكل 6 كرات نحطهم في سنيوة مدهونة بالزيت و نزيد ندهنهم و نغطيهم و نخليهم يرتاحو على الاقل 10د
5. ندهن طاولة العمل بالزيت ونحل الكرة الاولى بشكل دائري و رقيقة نجبد مليح الجوانب مبعد نهزها من الأطراف بالطول و نحطها في مقلة فيها زيت سخونة على نار متوسطة و نرمي عليها الزيت و ندور حتی نحطها كاملة و نواصل نرمي عليها الزيت مبعد نقلبها ونزيد نرمي عليها الزيت حتى تحمار مليح ونحيها نكمل بقية الكرات بنفس الطريقة مبعد نعسلهم عند التقديم.

شهية طيبة