مطبخ ام وليد اسهل طريقة لعمل كسكروت المقلوب التونسي

المقادير :

• 2 كأس فرينة
• 2 م ص خميرة الخبز
• 2 م ص سكر
• 2 م ك زيت
• ماء دافئ
• ملح

طريقة التحضير :

1. نخلط الفرينة مع الخميرة و السكر ثم نضيف الملح و نخلط، ثم نجمعها بالماء الدافئ، ثم نضيف الزيت تدريجيا و نعجن، ثم ندلكها لمدة دقيقتين، بعد ذلك نغطيها و نتركها ترتاح 10 دقائق على الاقل
2. نقسم العجينة على 3 اجزاء و نشكل كل جزء على شكل كرة، ثم نضعهم في صينية مرشوشة بالفرينة و نرشهم كذلك بالفرينة و نغطيهم و نتركهم يخمروا نصف ساعة على الاقل
3. للحشو نستعمل لحم مفروم مقلي مع البصل و الملح و التوابل، و نستعمل كذلك الجبن المبشور و شرائح الزيتون و الطماطم مقطعة مكعبات صغيرة و المايونيز و الهريسة، و يبقى الحشو اختياري
4. نرش طاولة العمل و كرة العجينة بالفرينة ثم نفتحها على شكل دائرة رقيقة، ثم نطيبها قليلا فقط (بيضاء) في مقلاة ثقيلة، ثم نقلبها و ندهنها بالمايونيز و الهريسة و نضيف كل مكونات الحشو، ثم نغلقها و نطيبها من الجهتين

بالصحة و الهنا