المقادير :
- كأس حليب دافئ
- 3 مغارف كبار سكر عادي
- مغرف كبيرة فانيليا
- مغرف كبيرة خميرة الخبز
- 3 مغارف كبار زيت
- قرصة ملح
- خميرة الحلوى
- مغرف كبيرة زبدة طرية
- شوكولا للطلي
طريقة التحضير :
- نخلط كأس حليب دافئ + 3 مغارف كبار سكر عادي + مغرف كبيرة فانيليا+ مغرف كبيرة خميرة الخبز
- نخلط ونزيد 3 مغارف كبار زيت نخلط نزيد قرصة ملح نخلط ونبدا نزيد الفرينة مع كيس خميرة الحلوى حتى نتحصل على عجينة طرية شادة روحها
- نزيد معها مغرف كبيرة زبدة طرية و ندلكها حتى ينساجمو ونتحصل على عجينة رطبة نغطيها ونخليها تخمر حوالي 30د
- نرش طاولة العمل بالفرينة و نحل العجينة بالحلال و نطبعها دوائر
- مبعد نحط شوكولا للطلي في وسط كل دائرة و نطويهم على اثنان و نضغط على الجوانب بالشوكة
- ونحطهم في سنيوة فيها ورق الطهي وندهنهم ببيضة مخلطة مع فانيليا و نشعل الفرن على درجة
- 190* يسخن مدة 15د وندخلهم كي يطيبو و يحمارو مليح نخرجهم و التزين يبقى اختياري.
شهية طيبة