المقادير :
- 5 كأس فرينة
- 1 كأس مارغرين ذائبة
- 1 حبة بيض
- ماء الزهر
- ملح
- عسيلة
للحشو:
- 3 كأس مكسرات
- 1 كأس سكر
- قرفة
طريقة التحضير :
نخلط الفرينة مع المارغين الذائبة و دافئة حتى يندمجوا مع بعض
في صحن نخلط حبة البيض مع قليل من ماء الزهر ثم نضيفها لخليط الفرينة و المارغرين و نواصل الخلط مع اضافة ماء الزهر على دفعات حتى تتجمع العجينة
ندلك العجينة قليلا على طاولة العمل ثم نقسمها على اثنين و نضعها في كيس بلاستيكي و نتركها ترتاح لمدة ساعة على الاقل
لتجهيز الحشو نخلط 3 كؤوس من المكسرات المطحونة مع كأس سكر و قليل من القرفة و نضيف ماء الزهر مع مواصة الخلط ثم نتركه يرتاح
لتشكيل حبات الصامصة نرش طاولة العمل بالفرينة و نفتح فوقها العجينة بالحلال ثم نفتحها في مكينة البقلاوة على الرقم 4 ثم على الرقم 7 الى ان نصل لاخر رقم في المكينة و نتحصل على عجينة رقيقة جدا
نقطعها بالجرارة و يكون عرض حبة الصامصة حسب الرغبة ثم نقطعها من الطرف على شكل مثلث و نضع فيها كمية من الحشو و نشكل حبة الصامصة على شكل مثلث بطيها ثلاث مرات ثم ندهنها في الطرف ببياض البيض و نغلقها
ثم نقليها في زيت ساخن على نار متوسطة و نرمي عليها الزيت بالملعقة و نقلبها حتى تنضج من الجهتين ثم نتركها تبرد تماما ثم نعسلها
و الباقي من العجينة نعمل به الخشخاش
نفتح العجينة على اخر رقم في مكينة البقلاوة و نقطعها مستطيلات طويلة
لكي نقلي الخشخاش نأخذ كمية مستطيل من العجين و ندخل جزء منه في الزيت و نرمي عليه الزيت بالملعقة ثم نقلبه على جز ثاني من العجين و نفعل نفس الشيء حتى ننتهي من المستطيل
بعد ما يبردوا تماما نقوم بتعسيلهم في عسيلة باردة و ثقيلة
و نعسل على قد ما نستهلك فقط