مطبخ ام وليد جلبانة بالبطاطا مشوكة في الفرن

المقادير:

• قطعة دجاج
• جلبانة
• بصل
• بطاطا
• جبن طري
• 3 حبات بيض
• معدنوس
• جبن مبشور
• ملح و فلفل اسود

طريقة التحضير:

1. نقلي قطعة الدجاج مع البصل المقطع في قليل من الزيت ثم نضيف معهم الجلبانة و المعدنوس و الملح و الفلفل الاسود و نتركهم يتقلاو جيدا
2. نمرق بالماء و نغطي القدر و نتركه حتى ينضج الدجاج و الجلبانة
3. لتحضير البطاطا المشوكة نبشر البطاطا بسكرفاج رقيق ثم نضيف لها حبة بيض و المعدنوس و الملح و الفلفل الاسود ثم نخلط جيدا
4. نشكلها على شكل خبيزات صغار ثم نضع في وسطهم كمية من الجبن الطري ثم نغلق عليه و نقليهم في زيت ساخن
5. ننزع الدجاج من المرق و نفتت قطع صغيرة و نصفي الجلبانة من المرق و نحتفظ بالمرق
6. نفرغ الجلبانة في قالب فرن و نفرغ فوقها الدجاج المفتت ثم نضع فوقها البطاطا المشوكة المقلية
7. ثم نضع في وعاء المرق مع 2 حبات بيض و قطعة جبن طري و قليل من الحليب ثم نطحنهم بخلاط الذراع ثم نفرغ الخليط في قالب الفرن مع باقي المكونات
8. نغطي الوجه بالجبن المبشور ثم ندخله للفرن حتى ينضج و يحمر الوجه