مطبخ ام وليد تارت اموندين الرائعة

المقادير:

• 125غ مارغرين طرية
• 1/2 كأس سكر ناعم
• 1 بيض
• رشة خميرة الحلويات
• فرينة

مقادير كريمة اللوز:

• 60غ مارغرين
• 60غ سكر
• 60غ لوز مطحون بالقشرة
• 1 م ك فرينة
• 1 حبة بيض

الطريقة:

1. نخلط جيدا المارغرين مع السكر الناعم و البيضة, ثم نضيف الفرينة (على دفعات) و رشة الخميرة و نخلط حتى نتحصل على عجينة طرية
2. نضع العجينة في القوالب و نشكلها بالاصابع حتى تأخذ نفس الشكل و ننزع الاطراف الزائدة بالسكين, ثم نثقب العجينة بالشوكة
3. لتحضير كريمة اللوز نخلط بالـ Batteur المارغرين مع السكر و البيضة حتى نتحصل على كريمة ثم نضيف اللوز و الفرينة و نخلط بالملعقة حتى ينسجموا
4. نملئ الكريمة في القوالب فوق العجينة ثم نزينهم بشرائح اللوز و ندخلهم للفرن ساخن مسبقا على 180 درجة حتى يأخذوا لون ذهبي
5. بعد ما يبردوا جيدا ننزعهم من القوالب و ندهن الوجه بالناباج او لاجولي ساخن او نرشهم بالسكر الناعم فقط

بالصحة و الهنا