مطبخ ام وليد الملوي او المورقة بدون دلك او تعب و النتيجة رائعة

ملوي او المورقة بدون تعب و لا دلك

المقادير :

• 2 كيلة سميد رقيق
• 1 كيلة فرينة
• 1/2 م ص خميرة الخبز
• زيت
• مارغرين طرية
• ملح

طريقة التحضير :

1. نخلط السميد مع الفرينة و قليل من الملح و خميرة الخبز ثم نضيف حوالي ملعقتين زيت و نخلط قليلا, بعد ذلك نجمع الخليط بالماء دافئ
2. نغطس كيس بلاستيكي في ماء ساخن ثم نضع فيه العجين بدون ما نعصر الكيس و نتركه يرتاح لمدة نصف ساعة على الاقل, بعد ذلك ننزع الكيس و ندلكه حوالي دقيقة او دقيقتين
3. نضع الكيس البلاستيكي مره اخرى في الماء الساخن ثم نعصره و نضع فيه العجين و نتركه يرتاح مدة نصف ساعة على الاقل, بعد ذلك ننزع الكيس و نعجنه قليلا ثم نتركه يرتاح 5 دقائق
4. ندهن اليدين بالزيت ثم نشكل العجين كرات و نضعهم في صينية و ندهنهم بقليل من الزيت ثم نغطيهم بكيس بلاستيكي ونتركهم يرتاحوا مدة نصف ساعة على الاقل
5. ندهن كرة من العجين و طاولة العمل بقليل من الزيت و نفتحها باليد و نمددها جيدا ثم ندهنها بخليط الزيت و المارغرين طرية و نرشها بقليل من السميد
6. نطوي العجينة من الجانبين و ندهنها مره اخرى بخليط الزيت و المارغرين و نرشها بالسميد و نطويها مره اخرى و ندهنها كذلك بخليط الزيت و المارغرين
7. نلويها و الجزء الاخير ندخله من الاسفل, و بعد ما ننهي كل كرات العجين بنفس الطريقة نغطيهم بكيس بلاستيكي و نتركهم يرتاحوا 15 دقيقة على الاقل
8. نفتح كرة من العجين على شكل دائري, ثم نطيبها على نار قليلة في مقلاة ثقيلة او طاجين مرشوش بالزيت و نقلبها من حين الى اخر حتى تطيب من الجانبين و تأخذ لون ذهبي

بالصحة و الهنا