مطبخ ام وليد فطيرة محشية بالدجاج في الفرن

المقادير :

• 2 كأس فرينة
• 1 الى 1.5 م ص خميرة الخبز
• 1 م ص سكر
• 2 م ك زيت
• 1/2 كأس لبن او رايب
• ماء دافئ
• 1 بصل
• 1 جزر
• دجاج
• معدنوس
• جبن طري
• جبن مبشور
• ملح و فلفل اسود

طريقة التحضير :

1. نخلط الفرينة مع السكر و الخميرة ثم نضيف الزيت و نخلط ثم نضيف الملح و اللبن دافئ و نواصل الخلط
2. نجمع الخليط بماء دافئ حتى نتحصل على عجينة طرية ثم ندلكها حتى تصبح ملساء و لا تلتصق ثم نغطيها بكيس بلاستيكي و نتركها ترتاح
3. لتحضير الحشو نقلي بصلة مقطعة قطع صغيرة في قليل من الزيت حتى تذبل ثم نضيف جزرة مبشورة و نتركهم يتقلاو مع بعض
4. نضيف الدجاج مقطع او لحم مفروم او التونة و الملح الفلفل الاسود و المعدنوس و نتركهم يتقلاو ثم نضيف الجبن الطري و نخلط حتى يذوب
5. نقسم العجينة على جزئين بحيث يكون جزء اكبر قليلا من الاخر
6. نفتح الجزء الكبير من العجينة رقيق و نضعها في قالب و نسوي الاطراف و نثقبها بالشوكة ثم نضع فيها الحشو دافئ
7. نفتح الجزء الصغير و نغطي به الحشو و نغلق الاطراف
8. نتركها ترتاح لمدة 15 دقيقة ثم ندهن الوجه و الاطراف بالبيض و نغطيها بالجبن المبشور و قليل من الجلجلان ثم نثقبها بعود اسنان
9. ندخلها مسخن جيدا على 180 الى 200 درجة مشعول من الاسفل فقط حتى تستوي ثم نشعله من الاعلى حتى تحمر

بالصحة و الهنا