المقادير:
- 5 كؤوس فرينة
- 1 كأس زيت
- خميرة الحلويات
- خميرة الخبز
- فانيليا
- ماء و ماء الزهر
- ملح
- عسيلة
طريقة التحضير:
القياس (العبر) يكون بكأس الشاي العادي الصغير
نخلط الفرينة مع نصف ملعقة صغيرة خميرة الحلويات و نصف ملعقة صغيرة خميرة الخبز و قليل من الملح و ملعقة صغيرة فانيليا
نضيف كأس شاي مملوء بالزيت و نخلط جيدا
نجمع العجين بخليط الماء و ماء الزهر حتى نتحصل على عجينة متماسكة و طرية
ندلك العجينة قليلا على طاولة العمل
نشكل العجينة على شكل حربوش ثم نقسمها الى 6 اجزاء متساوية
نشكل كل الاجزاء على شكل كريات ثم نضعهم في كيس بلاستيكي ثم نتركهم يرتاحوا لمدة ساعة على الاقل
%20%D9%88%20%D8%B5%D8%BA%D9%8A%D8%B1%D8%A9%20%D9%85%D8%AB%D9%84%20%D8%A7%D9%84%D9%85%D9%88%D8%AC%D9%88%D8%AF%D9%87%20%D9%81%D9%8A%20%D8%A7%D9%84%D8%B5%D9%88%D8%B1%D8%A9%20%D9%88%20%D8%A7%D8%B0%D8%A7%20%D9%84%D9%85%20%D8%AA%D8%AA%D9%88%D9%81%D8%B1%20%D8%B9%D9%86%D8%AF%D9%86%D8%A7%20%D9%86%D8%B3%D8%AA%D8%B9%D9%85%D9%84%20%D8%B9%D9%84%D8%A8%D8%A9%20%D8%B7%D9%85%D8%A7%D8%B7%D9%85%20%D9%85%D8%B5%D8%A8%D8%B1%D8%A9.jpg "نستعمل كسرونة غابية (عميقة) و صغيرة مثل الموجوده في الصورة و اذا لم تتوفر عندنا نستعمل علبة طماطم مصبرة")
نستعمل كسرونة غابية (عميقة) و صغيرة مثل الموجوده في الصورة و اذا لم تتوفر عندنا نستعمل علبة طماطم مصبرة فارغة وزن 1 كغ او علبة حليب اطفال فارغة بعد ما نغسلها جيدا و نصنع لها يد بالسلك حتى نستطيع ان نمسكها
نملئ نصف الكسرونة او العلبة بالزيت و نضعها تسخن فوق النار
نأخذ كرية من العجينة و نضعها فوق طاولة العمل تكون مرشوشة بالفرينة و نرش الكرية بالفرينة
نفتحها بالحلال على شكل دائري و نرققها على قد ما نقدر
نشكل فيها خطوط عريضة بالجرارة بدون ما نقطعها من الاطراف
ثم نحمل خط في اليد و نترك خط نحمل خط و نترك خط و هكذا حتي نوصل للاخير
نرفع الحبة كاملة بحيث يكون نصف الخطوط في اليد و النصف الباقي متدلي تحت اليد
و نرميها في الزيت الساخن بشكل عشوائي و نتركها حتى تحمر من الاسفل ثم نقلبها و نتركها حتى تحمر من الوجه الاخر
نكرر نفس العملية مع باقي اجزاء العجين
نترك القريوش يبرد تماما ثم نضعه في علبة بلاستيكية و نغلق عليه و نعسله قبل التقديم فقط
لكي نعسله نغطسه في عسيلة دافئة ثم نقطره جيدا من العسل ثم نضعه في صحن التقديم
التزيين اختياري
و بالصحة و الهنا