مطبخ ام وليد مطلوع صغير او خبز صغير منفوخ للسندويتش

خبيزات صغار منفوخين فارغين من الداخل لعمل احلى سندويتشات

المقادير :

• 2 كأس ماء دافئ
• 1 كأس سميد رقيق
• 1 م ك خميرة الخبز
• 1 م ك سكر
• ملح
• فرينة

طريقة التحضير :

1. باستعمال mixeur نخلط جيدا الماء مع الخميرة و السكر و السميد لمدة 5 دقائق، ثم نضيف الملح و نضيف الفرينة (تدريجيا) و نجمع و ندلك الخليط باليد حوالي دقيقتين حتى نتحصل على عجينة طرية و تلتصق
2. نغطي العجينة و نتركها تخمر 10 دقائق، ثم نرشها بقليل من الفرينة و نشكلها حربوش و نقطعها الى 6 أجزاء، ثم نشكلهم كرات و نغلفهم بالسميد و نشكلهم خبيزات صغار، و نتركهم يرتاحوا قليلا
3. نفتحهم خبيزات كبار قليلا باستعمال السميد، ثم نضعهم فوق منشفة مطبخ و نغطيهم و نتركهم يخمروا 15 دقيقة، ثم نضعهم في طاجين ساخن على نار متوسطة و نقلبهم بسرعة كل مرة حتى يطيبوا و يحمروا من الجهتين

بالصحة و الهنا